ఫుట్ పాత్ ఆక్రమించి ఏర్పాటు చేసిన షెడ్డులు, నిర్మాణాలను కూల్చిన టౌన్ప్లానింగ్ సిబ్బంది.
తెలంగాణ గొంతుక:
రోడ్డును, ఫుట్ పాత్లను ఆక్రమించి వ్యాపారాలు నిర్వహిస్తున్న వారినై సిఎంసి టౌన్ప్లానింగ్ అధికారులు ఉక్కపాదం మోపుతున్నారు. రోడ్డు పక్కన ఫుట్ పాత్లను ఆక్రమించి వ్యాపారాలు చేస్తున్నారని వరుస వస్తున్న ఫిర్యాదులతో పాటు, ఉన్నత న్యాయస్థానం ఉత్తర్వుల దృష్ట్యా అధికారులు రోడ్డు ఆక్రమణల తొలగింపు కోసం ప్రతి వారం స్పెషల్ డ్రైవ్ నిర్వహిస్తున్నారు. ఇందులో భాగంగా కూకట్పల్లి జోన్ పరిధిలో టౌన్ ప్లానింగ్ అధికారులు శుక్రవారం రోడ్డు ఆక్రమణలను తొలగించారు. కూకట్పల్లి సర్కిల్ పరిధిలోని కేపీహెచ్బీకాలనీ రమ్య గ్రౌండ్ సమీపంలో రోడ్డు ఆక్రమించి ఏర్పాటు చేసిన షెడ్డులను, దుకాణాలను టౌన్ ప్లానింగ్ ఏసీపీ వెంకటరమణ నేతృత్వంలో సిబ్బంది తొలగించారు. అదే విధంగా ఆల్విన్ కాలనీ సర్కిల్ పరిధిలోని ఎల్లమ్మబండ కాలనీలో రోడ్డు పొడవున ఫుట్ పాత్ను ఆక్రమించి ఏర్పాటు చేసిన రేకుల షెడ్లను టౌన్ప్లానింగ్ టీపిఎస్ మచ్చేందర్ ఆధ్వర్యంలో సిబ్బంది తొలగించారు.
రమ్య గ్రౌండ్ వద్ద రోడ్డు ఆక్రమణలను తొలగిస్తున్న అధికారులు.
