ఉడాన్’తో ఉద్యోగాల దిశగా అడుగులు: మంత్రి శ్రీధర్ బాబు

హైదరాబాద్, సెప్టెంబర్ 19: తెలంగాణ యువతకు భవిష్యత్‌ సాంకేతిక నైపుణ్యాలు అందించడంతో పాటు ఉపాధి అవకాశాలను పెంచే దిశగా రాష్ట్ర ప్రభుత్వం కీలక చర్యలు చేపట్టింది. మంత్రి శ్రీధర్‌బాబు నేతృత్వంలో తెలంగాణ అకాడమీ ఫర్‌ స్కిల్‌ అండ్‌ నాలెడ్జ్‌, డెల్‌ టెక్నాలజీస్‌ మధ్య ‘ఉడాన్’ కార్యక్రమం అమలుకు కీలక అవగాహన ఒప్పందం కుదిరింది. ఈ కార్యక్రమం ద్వారా రాష్ట్ర వ్యాప్తంగా 25 శిక్షణ కేంద్రాల్లో 5,500 మంది విద్యార్థులకు మూడు నెలల పాటు ప్రత్యేక శిక్షణ అందించనున్నారు. ఆర్టిఫిషియల్‌ ఇంటెలిజెన్స్‌, క్లౌడ్‌ కంప్యూటింగ్‌, ఎలక్ట్రానిక్స్‌ తయారీతో పాటు ఎమర్జింగ్‌ టెక్నాలజీస్‌, డిజిటల్‌ స్కిల్స్‌పై విద్యార్థులకు శిక్షణ ఇవ్వనున్నారు. IIT ఢిల్లీ రూపొందించిన కరిక్యులమ్‌ ఆధారంగా శిక్షణ కొనసాగనుండగా, డెల్‌ టెక్నాలజీస్‌ అవసరమైన టెక్నాలజీ సపోర్ట్‌ అందించనుంది.